Yanggen ti un tungo’, på’go måfakpo’ i pilan Faguålo’ 1 ya ya-hu na bai fångge’ put palu na dåndan ni sigi hu ékungok guini na pulan. Ti hu tungo’ kao bai cho’gue ini ta’lo an måkpo’ Sumongsong, lao fa’na’an! U ta li’e'.

Pues anyways, maila’ ya bei sangåni hao dídide’ nu i dandan ni ya-hu :) Plåka siha finé’nana, lålai 2 siha tåtatte.

Plåka Siha

Guaha tres na plåka ni hu ékungok meggai na biåhi ya bei fångge’ dídide’ put i tres:

Blxst - Labor of Love

  • Hu fåhan i fina’guasgua’ 3 ya måtto nigap gi Såbalu. Ya-hu meggai na lalai-ña gi meggai na plakå-ña, lao guini na plåka gófya-hu “Sent Your Way” yan “Is That Too Much”. Ha sénfa’tinas i dandan guini na plåka – ti lumålai ha’ na ha fa’tinas i “beats” lokkue’. Gófya-hu iyo-ña “style” (maleffa yu’ taimanu masångan ini gi fino’ Chamoru).

Vince Staples - Cry Baby

  • Hu fåhan ini na plåka lokkue’, i fina’guasgua’ nai. Taiguihi si Blxst, ya-hu meggai na fina’tinås-ña si Vince lao guini na plåka? “Go! Go! Gorilla”. Gi minagåhet, gófya-hu yini na plåka, fa’na’an sa’ gof nu… “topical” i detti-ña 4. Ti bei laknos guini, pues guse’ ya un ékungok ya para un nina’tungo’. PAT!… egga’ i finata-ña gi Tiny Desk. Tåtnai hu egga’ si Vince dumåndan – para u gaige giya Los Angeles gi 11/14 ya giya San Francisco gi 11/15 lao ti siña hu hånao.
  • Ti put i dandan ini lao yanggen tåtnai un egga’ i inefaisen-ña yan si Ziwe, guse’ ya un egga’ eyu lokkue’. Santa’ si Vince, maGÅhet.

Isaiah Rashad - IT’S BEEN AWFUL

  • Ti hu fåfahan nåya i fina’guasguå’-ña yan ti hu tungo’ kao siña sa’, un tungo’ håfa? Anai manaligao yu’ gi i talåya 5, esta ma-SoldOut! Lao fa’na’an un diha, siña bei fåhan second-hand, noh? Pues anyways, i mås ya-hu ginen i plaka: GTKY. Kádada’ i lalai lao ya-hu, kulolo’ña iyo-ña “beat” – giya guahu, kalan… guaha kotneta lao mahuto’ i sunidu-ña. Kao un gacha’ håfa kuméke’ilek-ku? Hånao ya un ékungok ya na’tungo’ yu'.
  • Piniti yu’ sa’ måfatto gui’ guini giya San Deigo gi 11/19 lao ti bei gaige. Lao maolek ha’! Bei egga’ ha’ i finata-ña gi Tiny Desk ya magof.

Lålai Siha

Ya pues iniguiya palu i mås ya-hu na lålai siha:

Ai…palu ini siha: ná’piniti! ná’mahalang! Kalan, ma-PutYouInYourFeels nai! Pues anyways, yanggen un ékungok ini na kånta siha, na’tungo’ yu’ kao ya-mu!

Enao ha’ nu på’go. Esta laters.

  1. Måkpo’ i pilan Faguålo’ sigún i WP Council, lao måkpo’ Lumåmlam sigún i Guampedia. Ti mapópo’lo nåya gi huebsait-ña lao hu risibi gi imel-hu. ↩︎

  2. ti kuméke’ilek-ku “chant” na hu sångan put kånta. gófya-hu fino’ håya, ombre! ↩︎

  3. fina’- = kind, type, style, guasgua’ = marking. Maguasgua’ i vinyl, noh? Éyugue’ i ilek-ña i fafa’na’gue-ku as Boh yan ya-hu ya pues hu sångan lokkue' ↩︎

  4. detti = asunto ↩︎

  5. gi i “net”, noh? hu hungok ilek-ña si siñot Ron Laguana gi Oran Fino’ Chamoru ↩︎