hu agonfa'tinas i huebsait-hu

Kanna’ maloffan tres såkkan ginen mångge’ yu’ guini! Anai hu atan ta’lo i huebsait-hu gi halacha, ilek-ku nu guahu:

Ei…?! Méggagai maloffan ginen i ma’pos na tinige’-hu. Kao maolekña na bai fångge’ ya fa’gacha’i i mambisita nu i finaloffån-hu siha? 🤔 …

…lao anai sigi hu atan i pagu-ña ini na “blog” – i pusision-ña – hu lipåra na ti yáya-hu ha’. Pues hu hassuyi i håfa malago’-hu yan ini na fina’tinås-hu ya…hu agonfa’tinas! Lao bei sangåni hao: mappot nai! Sa’ åpmam maloffan ginen hu atan in yan ti listo i kompiutå-ku ¹ 😵‍💫.

An hu sångan na ti listo, kuméke’ilek-ku na taigui i fina’tinago’ ² siha – i “code” – guini na kompiuta. Sa’ yanggen ti un tungo’ pat ti annok: guahu fuma’tinas ini na huebsait. Ti hu na’setbe eyi siha na huebsait taiguihi “Wordpress” pat “Squarespace” na hu na’setbe “Hugo” yan “GitHub Pages” ³.

Pues anyways, éyugue’ i finé’na na cho’cho’-hu: na’listo i fanfacho’cho’an-hu

Ti komplikáo pat meggai i nisisidåt-hu – hu nisisita ha’ i “code” ginen “GitHub” ya siña hu tutuhon muna’listo todu. Lao un tungo’ håfa? Anai hu chagi fuma’tinas i huebsait, umannok meggai na linachi. Kalan nu.. ti umaya i klasen “software” ni hu na’setbe – “version mismatch” masåsangan gi fino’ Englaterra. Kanna’ todu i linachi sa’ “outdated” iyo-ña “theme” i huebsait…ya hu tungo’ na mungnga yu’ bai na’dinanche todu i linachi pues ilek-ku: båsta ya bai fanayek otro na “theme”.

Alas úttemos, humuyong i huebsait-hu taiguini. Mohon ya ti mappot mataitai pat maNavigate, lao yanggen hunggan pues na’tútungo’ yu’ fan.

Bei chagi mångge’ guini kada simåna lao u ta li’e’ sa’ tinaka’ på’go nai, ti hu góstungo’ kao bai fångge’ put i lina’lå’-hu ha’ PAT kao bai fångge’ put otro na detti siha lokkue'.

Enao ha’ nu på’go. STA!